ലൈഫ് ഭവന പദ്ധതി ; പരിശോധ പൂർത്തീകരിക്കണം - .വെളിയംകോട് ഗ്രാമപഞ്ചായത്ത് ഭരണസമിതി
ലൈഫ് 20 - 20 , ഭൂരഹിത ഭവന രഹിത പദ്ധതിയിലേക്ക് ലഭിച്ച അപേക്ഷകളിൽ പരിശോധന പൂർത്തീകരിച്ച് അന്തിമ ഗുണഭോക്ത പട്ടിക അടിയന്തിരമായി തയ്യാറാക്കുന്നതിന് നടപടി സ്വീകരിക്കണമെന്ന് സംസ്ഥാന സർക്കാറിനോട് അപേക്ഷിക്കുന്നതിന് വെളിയംകോട് ഗ്രാമ പഞ്ചായത്ത് ഭരണ സമിതി യോഗം ഐക്യകണ്ഠേന തീരുമാനിച്ചു . വെളിയംകോട് ഗ്രാമ പഞ്ചായത്തിൽ പട്ടികജാതി , മത്സ്യ തൊഴിലാളി , മറ്റ് ഭവന രഹിത വിഭാഗങ്ങളിൽ 778 കുടുംബങ്ങളും , ദൂരഹിത വിഭാഗത്തിൽ 491 കുടുബങ്ങളും ഉൾപ്പെടുന്ന അപേക്ഷകരാണുള്ളത് .
2021 - 2022 വാർഷിക പദ്ധതിയിൽ ഭവന നിർമ്മാണത്തിന് വകയിരുത്തിയ ഫണ്ട് വിനിയോഗിക്കുന്നതിന് ഗുണഭോക്ത പട്ടിക അന്തിമമാക്കേണ്ടത് അനിവാര്യമാണന്ന് യോഗം വിലയിരുത്തി . ഗ്രാമ പഞ്ചായത്ത് പ്രസിഡന്റ് കല്ലാട്ടേൽ ഷംസു അധ്യക്ഷത വഹിച്ചു . വൈസ് പ്രസിഡന്റ് ഫൗസിയ വടക്കേപ്പുറത്ത് , സ്റ്റാന്റിംഗ് കമ്മിറ്റി ചെയർമാൻമാരായ മജീദ് പാടിയോടത്ത് , സെയ്ത് പുഴക്കര , ഷരീഫ മുഹമ്മദ് , ഗ്രാമപഞ്ചായത്ത് അംഗം ഹുസ്സൈൻ പാടത്തകായിൽ തുടങ്ങിയവർ സംസാരിച്ചു.
#360malayalam #360malayalamlive #latestnews