ആശുപത്രിയിലുണ്ടായ തീപിടുത്തത്തിൽ 18 പേർ മരിച്ചു

 ഗുജറാത്തിൽ കൊവിഡ് ആശുപത്രിയിലുണ്ടായ തീപിടുത്തത്തിൽ 18 പേർ മരിച്ചു. ബെറൂച്ചിലെ പട്ടേൽ വെൽഫെയർ കൊവിഡ് ആശുപത്രിയിൽ ശനിയാഴ്ച പുലർച്ചെയാണ് അപകടമുണ്ടായത്. മരിച്ച 18 പേരും കൊവിഡ് രോഗികളാണ്. ചികിത്സയിൽ ഉണ്ടായിരുന്ന 50 ഓളം പേരെ രക്ഷപ്പെടുത്തിയിടുത്തിയെന്ന് ഇംഗ്ലീഷ് വാർത്താ ചാനലായ എൻഡിടിവി റിപ്പോർട്ട് ചെയ്തു.

ആശുപത്രിയിലെ തീവ്രപരിചരണ വിഭാഗത്തിലാണ് തീ പടർന്നത്. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം. 'കൊവിഡ് വാർഡിൽ ചികിത്സയിലായിരുന്ന 12 പേരാണ് അപകടത്തിൽ മരിച്ചത്' ബെറൂച്ച് എസ്പി അപകടത്തിന് പിന്നാലെ പ്രതികരിച്ചു. മരണസംഖ്യ ഉയർന്നേക്കാനാണ് സാധ്യതയെന്നും അദ്ദേഹം പറഞ്ഞു.