38 പാപ്പാന്മാർക്ക് കോവിഡ്; ആനത്താവളം അടച്ചിടാൻ നിർദേശം
ഗുരുവായൂർ ആനത്താവളത്തിൽ 32 പാപ്പാൻമാർക്ക് കൂടി കോവിഡ് സ്ഥിരീകരിച്ചു. ഇതോടെ ആനത്താവളത്തിൽ രോഗം സ്ഥിരീകരിച്ചവരുടെ എണ്ണം 38 ആയി.
ആറ് പാപ്പാന്മാര്ക്ക് നേരത്തെ കോവിഡ് സ്ഥിരീകരിച്ചിരുന്നു. തുടർന്ന് ആനത്താവളത്തിലെ 138 പേര്ക്ക് കഴിഞ്ഞ ദിവസം നടത്തിയ ആര്ടിപിസിആര് പരിശോധനയിലാണ് 32 പേര്ക്ക് കൂടി സ്ഥിരീകരിച്ചത്. പരിശോധന നടത്തിയ മുഴുവന് പേരുടെയും ഫലം അറിവായിട്ടില്ല. ഇതോടെ ആനത്താവളത്തില് രോഗം സ്ഥിരീകരിച്ചവരുടെ എണ്ണം 38 ആയി.
പാപ്പാന്മാര്ക്ക് രോഗം സ്ഥിരീകരിച്ചതിനെ തുടര്ന്ന് കഴിഞ്ഞ ദിവസം മുതല് ആനത്താവളത്തിലേക്ക് സന്ദര്ശകര്ക്ക് പ്രവേശന വിലക്കേര്പ്പെടുത്തിയിരുന്നു. അക്രമകാരിയായ ആനകളുടെ പാപ്പാന്മാരും ഇക്കൂട്ടത്തിലുണ്ട്.അതുകൊണ്ട് അവര് നിരീക്ഷണം കഴിഞ്ഞ് വരുന്നതുവരെ ആനകളെ പരിപാലിക്കാന് പകരം പാപ്പാന്മാരെ നിയോഗിച്ചിരിക്കുകയാണ് കൂടുതല് പേര്ക്ക് രോഗം കണ്ടെത്തിയ സാഹചര്യത്തില് ആനത്താവളം അടച്ചിടണമെന്ന് ആരോഗ്യവകുപ്പ് നിര്ദേശം നല്കി.
#360malayalam #360malayalamlive #latestnews #covid #guruvayooraanakotta