സമ്പൂർണ ലോക്ക്ഡൗണില്ല; പ്രചരിക്കുന്ന വാർത്തകൾ തള്ളി കലക്ടർ

കോഴിക്കോട് ജില്ലയിൽ ഞായറാഴ്ച സമ്പൂർണ ലോക്ക്ഡൗണില്ലെന്ന് ജില്ലാ കളക്ടർ സാംബശിവ റാവു. തൻ്റെ ഫേസ്ബുക്ക് പോസ്റ്റിലെ ഒരാളുടെ കമൻ്റിനു മറുപടി ആയാണ് കലക്ടർ ഇക്കാര്യം അറിയിച്ചത്. നിലവിൽ കോഴിക്കോട് ജില്ലയിൽ ലോക്ക്ഡൗൺ ഇല്ലെന്നും കർശന നിയന്ത്രണങ്ങൾ ഏർപ്പെടുത്തിയിട്ടുണ്ടെന്നും അദ്ദേഹം എഫ്.ബി യിൽ കുറിച്ചു.

സമൂഹമാധ്യമങ്ങളിൽ ഞായറാഴ്ച കോഴിക്കോട് സമ്പൂർണ ലോക്ക്ഡൗൺ ആയിരിക്കുമെന്ന് പ്രചരിച്ചതിനെയും ഇതിനു പിന്നാലെ ചില മാധ്യമങ്ങളും സമാന വാർത്ത റിപ്പോർട്ട് ചെയ്തതുമാണ് കലക്ടർ തള്ളിയത്.