റംസാൻ വ്രതം നോറ്റ രോഗികൾക്കും കൂട്ടിരിപ്പുകാർക്കും നോമ്പുതുറ സൗകര്യമൊരുക്കി പൊന്നാനി നഗരസഭ

 പരിശുദ്ധ റമദാനിൽ വ്രതം അനുഷ്ഠിച്ച രോഗികൾക്കും കൂട്ടിരിപ്പുകാർക്കും നോമ്പുതുറ സൗകര്യമൊരുക്കി പൊന്നാനി നഗരസഭ. പൊന്നാനി സർക്കാർ താലൂക്ക് ആശുപത്രിയിലും സ്ത്രീകളുടേയും കുട്ടികളുടേയും ആശുപത്രിയിലുമാണ് നഗരസഭ നോമ്പുതുറ സൗകര്യം ഏർപ്പെടുത്തിയിട്ടുള്ളത്. കോവിഡ് വ്യാപനത്തിൻ്റെ സാഹചര്യത്തിലാണ് നഗരസഭ നേരിട്ട് നോമ്പുതുറ നടത്തുന്നത്. പൊന്നാനിയിലെ വിവിധ വ്യക്തികളുടേയും സംഘടനകളുടേയും സഹായത്തോടെയാണ് പരിപാടി സംഘടിപ്പിക്കുന്നത്.

 നോമ്പുതറ ചടങ്ങിന് നഗരസഭാ ചെയർമാൻ ശിവദാസ് ആറ്റുപുറം തുടക്കം കുറിച്ചു. പരിശുദ്ധ റംസാനിൽ രോഗികൾക്കും കൂട്ടിരിപ്പുകാർക്കുമായി നഗരസഭ നടത്തുന്ന നോമ്പുതുറയ്ക്ക് മുഴുവൻ മനുഷ്യസ്നേഹികളിൽ നിന്നും സഹായ സഹകരണങ്ങൾ ഉണ്ടാക്കണമെന്ന് ചെയർമാൻ ശിവദാസ് ആറ്റുപുറം അഭ്യർത്ഥിച്ചു. കൗൺസിലർമാരായ സവാദ് കുണ്ടുങ്ങൽ, കെ. ഷാഫി, പി.വി നിഷാദ് എന്നിവർ സംബന്ധിച്ചു.