സൂപ്പർമാർക്കറ്റുകളിൽ 100 ചതുരശ്ര അടിയിൽ 6 പേർ മാത്രം: പുതിയ മാർഗ നിർദ്ദേശങ്ങളുമായി ഡിജിപി
സ്ഥാപനങ്ങളില് സാമൂഹിക അകലം കര്ശനമായി പാലിക്കുന്നുവെന്ന് ഉറപ്പ് വരുത്തണമെന്ന് സംസ്ഥാന പൊലീസ് മേധാവി ലോക്നാഥ് ബെഹ്റ. അത്യാവശ്യം ജീവനക്കാരെ മാത്രമേ സ്ഥാപനങ്ങളില് നിയോഗിക്കാവൂ. കൂടാതെ ഉപഭോക്താക്കള്ക്ക് കാത്തുനില്ക്കാന് വേണ്ടി കടകള്ക്കു മുന്നില് സാമൂഹിക അകലം പാലിച്ച് വൃത്തം വരയ്ക്കേണ്ടതാണ്. ഇത്തരം കടകളില് ഉപഭോക്താവിന് ചെലവഴിക്കാനുളള പരമാവധി സമയം നിജപ്പെടുത്തണമെന്നും ഡിജിപി നിര്ദേശിച്ചു.
ഉപഭോക്താക്കള്ക്ക് പ്രവേശിക്കാനാകാത്ത ചെറിയ കടകള്ക്ക് മുന്നില് വൃത്തം വരച്ച് കൃത്യമായ സാമൂഹിക അകലത്തോടെ ഉപഭോക്താക്കളെ വരി നിര്ത്തേണ്ട ഉത്തരവാദിത്തം കട ഉടമകള്ക്കായിരിക്കും. സാമൂഹിക അകലം ലംഘിക്കുന്ന തരത്തിലുളള ഒരു പ്രവൃത്തികളും ബാങ്കുകള് മുതലായ സാമ്പത്തിക സ്ഥാപനങ്ങളില് ഉണ്ടാകാന് പാടില്ല. അവയ്ക്ക് മുന്നില് കൂട്ടം കൂടി നില്ക്കുന്നതും ഒഴിവാക്കണം. ഉപഭോക്താക്കള്ക്ക് ആവശ്യമായ നിര്ദേശങ്ങള് ഉള്ക്കൊളളുന്ന പോസ്റ്ററുകള് കടകള്ക്ക് മുന്നില് പതിക്കാത്ത സ്ഥാപനങ്ങള്ക്കെതിരെ പൊലീസ് കര്ശന നടപടി സ്വീകരിക്കുമെന്നും ഡിജിപി വ്യക്തമാക്കി. കടകള്ക്കു മുന്നിലും അകത്തും മലയാളത്തിലും ഇംഗ്ലീഷിലും കൊവിഡ് പ്രതിരോധ പ്രവര്ത്തനങ്ങളുമായി ബന്ധപ്പെട്ട മാര്ഗനിര്ദേശങ്ങള് ഉള്ക്കൊള്ളുന്ന പോസ്റ്റര് പതിക്കണമെന്നായിരുന്നു നിര്ദേശം.
#360malayalam #360malayalamlive #latestnews