കർഷകർ ഹോട്ടൽ വളഞ്ഞു; പിൻവാതിൽ വഴി രക്ഷപ്പെട്ട് ബിജെപി നേതാക്കൾ

ഭ​ഗ്‌​വാ​ര​യി​ലെ ഹോ​ട്ട​ൽ ഉ​പ​രോ​ധി​ച്ച് പ്ര​തി​ഷേ​ധിക്കുന്ന ക​ർ​ഷ​ക​രി​ൽ​ നി​ന്ന് പോ​ലീ​സ് സം​ര​ക്ഷ​ണ​ത്തിൽ പിൻവാതിലിലൂടെ രക്ഷപെട്ട്  ബി​.ജെ.​പി നേ​താ​ക്ക​ൾ. മു​ൻ പ്ര​ധാ​ന​മ​ന്ത്രി അ​ട​ല്‍ ബി​ഹാ​രി വാ​ജ്‌​പേ​യു​ടെ ജ​ന്മ​ദി​നാ​ഘോ​ഷ​ങ്ങ​ൾ​ക്ക് ഹോ​ട്ട​ലി​ൽ വന്നു ചേ​ർ​ന്ന ബി.​ജെ.​പി നേ​താ​ക്ക​ൾ​ക്കാ​ണ് ഒ​ളി​ച്ചു​പു​റ​ത്തു​ക​ട​ക്കേ​ണ്ടി​വ​ന്ന​ത്. ജില്ലാ, ബോക്ക് പ്രസിഡന്‍റുമാരായ രാകേഷ് ദഗ്ഗല്‍, പരംജിത്ത് സിങ്​, മുന്‍ മേയര്‍ അരുണ്‍ ഖോസ്‌ല എന്നിവരാണ്​ ഹോട്ടലിനുള്ളില്‍ കുടുങ്ങിയത്​.

നേ​താ​ക്ക​ൾ ഒ​ത്തു​ചേ​രു​ന്നു​ണ്ടെ​ന്ന​റി​ഞ്ഞാ​ണ് ഭാ​ര​തി കി​സാ​ൻ യൂ​ണി​യ​ന്‍റെ നേ​തൃ​ത്വ​ത്തി​ല്‍ ഹോ​ട്ട​ൽ ഉ​പ​രോ​ധിച്ചത്. ക​ന്നു​കാ​ലി, കോ​ഴി തീ​റ്റ​ക​ൾ നി​ർ​മി​ച്ച് വി​ത​ര​ണം ചെ​യ്യു​ന്ന ക​മ്പ​നി​യു​ടെ ഉ​ട​മ​യും ബി.​ജെ.​പി പ്ര​വ​ർ​ത്ത​ക​നു​മാ​യ ആ​ളു​ടേ​താ​യി​രു​ന്നു ഹോ​ട്ട​ൽ. കാലി-കോഴിത്തീറ്റകൾ വിൽപന നടത്തുന്ന ഇയാളുടെ ഉൽപന്നങ്ങൾ ബഹിഷ്‌കരിക്കുമെന്നും കർഷകർ അറിയിച്ചു. തങ്ങൾക്കെതിരെ ഗൂഡാലോചന നടത്താനായാണ്​ ഇവർ ഹോട്ടലിൽ ഒരുമിച്ച്​ കൂടിയതെന്ന് കർഷക​ സംഘടന നേതാവ്​ കിര്‍പാല്‍ സിങ്​ മുസ്സാപൂര്‍ ആരോപിച്ചു. ബി.​ജെ.​പി നേ​താ​ക്ക​ളെ ഹോ​ട്ട​ലി​നു പു​റ​ത്തേ​യ്ക്കു വി​ടി​ല്ലെ​ന്ന് ക​ർ​ഷ​ക​ർ നി​ല​പാ​ട് എ​ടു​ത്ത​തോ​ടെയാണ് നേതാക്കൾ പിൻവാതിൽവഴി രക്ഷപെട്ടത്.