രാജ്യത്തു കോവിഡ് ബാധ ഏറ്റവും തീവ്രം കേരളത്തില്: ആശങ്കപ്പെടുത്തുന്ന പഠനറിപ്പോര്ട്ട്
തിരുവനന്തപുരം: രാജ്യത്തു കോവിഡ് ബാധ ഏറ്റവും തീവ്രം കേരളത്തില്. ഇന്ത്യന് മെഡിക്കല് അസോസിയേഷന്റെ പഠനത്തിലാണ് ഇക്കാര്യം വ്യക്തമാക്കിയിരിക്കുന്നത്. കേരളത്തിലെ കോവിഡ് വര്ധനത്തോത് ദേശീയ ശരാശരിയേക്കാള് കൂടുതലാണെന്നും റിപ്പോര്ട്ടില് പറയുന്നു. കേരളത്തില് 7 ദിവസത്തെ എംജിആര് 28 ആണ്. ദേശീയതലത്തില് ഇത് 11 ആണ്. കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില് തീവ്രപരിചരണ സംവിധാനങ്ങള് കുറവാണെന്നും കഴിഞ്ഞ ഒരാഴ്ചയ്ക്കിടെ തിരുവനന്തപുരത്തെ മരണനിരക്കില് 140% വര്ധനയുണ്ടെന്നും റിപ്പോര്ട്ടില് പറയുന്നുണ്ട്.
കേരളത്തില് തിരിച്ചറിയുന്ന കോവിഡ് ബാധിതരുടെ 36 ഇരട്ടി വരെ തിരിച്ചറിയാത്ത കോവിഡ് ബാധിതരും ഉണ്ടാകാമെന്നും വിദഗ്ദര് ചൂണ്ടിക്കാട്ടുന്നു.
ഐസിഎംആര് ദേശീയതലത്തില് നടത്തിയ രണ്ടാമത്തെ സീറോളജിക്കല് സര്വേയുടെ കണ്ടെത്തലിന്റെ അടിസ്ഥാനത്തിലാണ് ഈ നിഗമനം. ഐസിഎംആര് സര്വേയില് പരിശോധിച്ചവരില് 6.6% പേര്ക്കാണ് കോവിഡ് ബാധ കണ്ടെത്തിയത്. ആ കണക്കുപ്രകാരം കേരളത്തില് ആകെ 21.78 ലക്ഷം പേര്ക്ക് കോവിഡ് ബാധിച്ചിരിക്കാമെന്നാണ് സൂചന.
#360malayalam #360malayalamlive #latestnews