വലിയ ആക്രമണ പദ്ധതികൾ തകർത്ത് എൻ.ഐ.എ; ഭീകരർ ലക്ഷ്യമിട്ടത് കൊച്ചിൻ നാവികസേന ആസ്ഥാനവും നയതന്ത്ര മേഖലകളും
കൊച്ചി: ഇന്ന് പെരുമ്പാവൂരിൽ പിടിയിലായ അൽഖ്വയ്‌ദ തീവ്രവാദികൾ ലക്ഷ്യമിട്ടത് തന്ത്രപ്രധാന സ്ഥലങ്ങൾ ആക്രമിക്കുന്നതിനായിരുന്നു. ആയുധ ശേഖരണം ലക്ഷ്യമിട്ടാണ് കേരളത്തിൽ താമസിച്ചതെന്ന് പറയുമ്പോഴും തോക്കുകളും നിരവധി ഇലക്‌ട്രോണിക് ഉപകരണങ്ങളും ആക്രമണത്തിന് ലക്ഷ്യംവച്ചുള‌ള ലഘുലേഖകളും മൂർച്ചയേറിയ ആയുധങ്ങളുമെല്ലാം ഇവരിൽ നിന്ന് എൻ.ഐ.എ സംഘം പിടിച്ചെടുത്തിട്ടുണ്ട്. ഏതാണ്ട് എട്ട് ദിവസം മുൻപ് തന്നെ തീരുമാനിച്ച പ്രകാരമാണ് കഴിഞ്ഞ രാത്രിയിൽ എൻ.ഐ.എ കേരളത്തിലും ബംഗാളിലുമടക്കം റെയ്ഡ് നടത്തുകയും തൊഴിലാളികൾ എന്ന പേരിൽ ഇവിടെ താമസിച്ചുവന്ന ഭീകരരെ പിടികൂടിയതും.
രാജ്യത്തെ പ്രധാന നഗരങ്ങളായ ഡൽഹിയിലും മുംബയിലും കൊച്ചിയിലെ നാവികസേന ആസ്ഥാനവും ഷിപ്‌യാർഡും അടക്കം ആക്രമിക്കാനും സാധാരണ മനുഷ്യരെ വധിക്കാനുമായിരുന്നു ഇവരുടെ തീരുമാനം. ആകെ 9 പേരെയാണ് എൻ.ഐ.എ അറസ്‌റ്റ് ചെയ്‌തത്. പെരുമ്പാവൂരിൽ നിന്ന് മൂന്ന് ബംഗാൾ സ്വദേശികളായ ഭീകരരെയും. ഇവരെല്ലാം പാകിസ്ഥാനിൽ നിന്ന് ആക്രമണത്തിനായി പരിശീലനം നേടിയവരാണെന്ന് എൻ.ഐ.എ അധികൃതർ അറിയിച്ചു.
#360malayalam #360malayalamlive #latestnews
