ഇനി കായികമായി മുന്നേറാം; വെളിയംകോട് ഹയര്‍സെക്കന്‍ഡറി സ്‌കൂള്‍ സ്റ്റേഡിയം നിര്‍മാണത്തിന് മൂന്ന് കോടി രൂപ അനുവദിച്ചു
വെളിയംകോട് ജി.എച്ച്.എസ്. സ്‌കൂളില്‍ ആധുനിക സൗകര്യങ്ങളോടെയുള്ള സ്‌പോര്‍ട്‌സ് സ്റ്റേഡിയം നിര്‍മിക്കാനായി മൂന്ന് കോടി രൂപയുടെ ഭരണാനുമതി ലഭിച്ചു. കായിക രംഗത്ത് മികവ് പുലര്‍ത്തുന്ന വിദ്യാര്‍ഥികളെ കണ്ടെത്തി മികച്ച പരിശീലനം നല്‍കാനും സംസ്ഥാന - ദേശീയ തലങ്ങളില്‍ നടക്കുന്ന കായിക മത്സരങ്ങളില്‍ പങ്കെടുക്കാന്‍ വിദ്യാര്‍ഥികളെ പ്രാപ്തരാക്കുന്ന വിധത്തിലുള്ള സ്‌പോര്‍ട്‌സ് സ്റ്റേഡിയമാണ് നിര്‍മിക്കുന്നത്. ഫുട്ബോള്‍ കോര്‍ട്ട്, ഇന്‍ഡോര്‍ ബാഡ്മിന്റണ്‍ കോര്‍ട്ട്, ബാസ്‌ക്കറ്റ് ബോള്‍ കോര്‍ട്ട്, നീന്തല്‍ക്കുളം, കബഡി കോര്‍ട്ട്, ഗുസ്തി കോര്‍ട്ട്, റെസ്ലിംഗ് കോര്‍ട്ട്, ലൈറ്റിംഗ് സംവിധാനം, ഡ്രൈനേജ് സിസ്റ്റം, ടോയ്ലറ്റ് ബ്ലോക്ക് എന്നീ സൗകര്യങ്ങൾ സ്റ്റേഡിയത്തില്‍ ഒരുക്കും. കായിക മേഖലക്ക് ഏറെ ഗുണകരമാവുന്ന സ്റ്റേഡിയത്തിന്റെ നിര്‍മാണം സമയബന്ധിതമായി പൂര്‍ത്തീകരിച്ച് നാടിന് സമര്‍പ്പിക്കുമെന്ന് പി. നന്ദകുമാർ എം.എല്‍.എ പറഞ്ഞു.
#360malayalam #360malayalamlive #latestnews #ghssveliamkode
