സത്യവാചകം ചൊല്ലി അധികാരമേറ്റ് ജനപ്രതിനിധികൾ
മലപ്പുറം: സംസ്ഥാനത്തെ 1199 തദ്ദേശ സ്വയംഭരണ സ്ഥാപനങ്ങളിലേക്ക് നടന്ന തിരഞ്ഞെടുപ്പിൽ വിജയിച്ച അംഗങ്ങൾ സത്യപ്രതിജ്ഞ ചെയ്ത് ചുമതലയേറ്റു. ഗ്രാമ, ബ്ലോക്ക്, ജില്ലാ പഞ്ചായത്തുകളിലും മുനിസിപ്പാലിറ്റികളിലും രാവിലെ പത്തുമണിക്കായിരുന്നു സത്യപ്രതിജ്ഞാച്ചടങ്ങ്. കോർപ്പറേഷനുകളിൽ 11.30നാണ് സത്യപ്രതിജ്ഞ. ഗ്രാമ, ബ്ലോക്ക്, ജില്ലാ പഞ്ചായത്തുകളിൽ അതതു വരണാധികാരികളാണ് ആദ്യ അംഗത്തെ പ്രതിജ്ഞയെടുപ്പിച്ചത്.അംഗങ്ങളിൽ ഏറ്റവും പ്രായംകൂടിയ ആളെയാണ് വരണാധികാരികൾ പ്രതിജ്ഞയെടുപ്പിച്ചത്. തുടർന്ന് ഈ അംഗം മറ്റ് അംഗങ്ങൾക്ക് പ്രതിജ്ഞാ വാചകം ചൊല്ലിക്കൊടുക്കുകയായിരുന്നു. തുടർന്ന് ഇതേ അംഗത്തിന്റെ അദ്ധ്യക്ഷതയിൽ പുതിയ ഭരണ സമിതിയുടെ ആദ്യയോഗവും ചേർന്നു. കോർപ്പറേഷനിൽ ജില്ലാ കലക്ടറാണ് പ്രതിജ്ഞ ചൊല്ലിക്കൊടുക്കുന്നത്.
വൈറസ് വ്യാപനത്തെത്തുടർന്നുളള പ്രോട്ടോക്കോൾ നിലവിലുളളതിനാൽ അത് പാലിച്ചായിരുന്നു ചടങ്ങുകൾ.മുനിസിപ്പാലിറ്റികളിലേയും കോർപ്പറേഷനിലെയും അദ്ധ്യക്ഷന്മാരുടെ തിരഞ്ഞെടുപ്പ് ഡിസംബർ 28ന് നടക്കും. ത്രിതല പഞ്ചായത്തുകളിലെ അദ്ധ്യക്ഷന്മാരുടെ തെരഞ്ഞെടുപ്പ് 30നാണ്
#360malayalam #360malayalamlive #latestnews
