ഗോളടിച്ച ശേഷം മറഡോണക്ക് ആദരാഞ്ജലികളുമായി മെസ്സി
ലാലിഗയിൽ ഒസാസുനയ്ക്കെതിരെ നേടിയ ഗോൾ കഴിഞ്ഞ ദിവസം അന്തരിച്ച ഫുട്ബോൾ ഇതിഹാസം ഡീഗോ മറഡോണയ്ക്ക് സമർപ്പിച്ച് ബാഴ്സലോണ സൂപ്പർ താരം ലയണൽ മെസി. ഗോൾ നേടിയതിനു ശേഷം അർജൻ്റൈൻ ക്ലബ് നൂവെൽ ഓൾഡ് ബോയ്സ് ക്ലബിൽ കളിച്ചുകൊണ്ടിരിക്കെ മറഡോണ ധരിച്ചിരുന്ന പത്താം നമ്പർ ജഴ്സി പ്രദർശിപ്പിച്ചു കൊണ്ടാണ് മെസി ഇതിഹാസ താരത്തിന് ആദരവർപ്പിച്ചത്. സംഭവത്തിൻ്റെ വിഡിയോ സമൂഹമാധ്യമങ്ങളിൽ പ്രചരിക്കുകയാണ്.
മറഡോണയുടെ മരണത്തിന് പിന്നാലെ അർജൻറീനക്കും ഫുട്ബാളിനും ഇത് ദുഃഖത്തിന്റെ ദിനമാണെന്ന് മെസി പറഞ്ഞിരുന്നു. ഞായറാഴ്ച നടന്ന മത്സരത്തിൽ ബാഴ്സലോണ ഒസാസുനയെ എതിരില്ലാത്ത നാലുഗോളിന് തരിപ്പണമാക്കിയിരുന്നു.
മൂന്നു തോൽവിയിൽ താളംതെറ്റിയ ബാഴ്സലോണയുടെ പ്ലെയിങ് ഇലവനിൽ മെസ്സിയും ഗ്രീസ്മാനും തിരിച്ചെത്തി.മാർട്ടിൻ ബ്രാത്വെയ്റ്റ് (29), അെൻറായിൻ ഗ്രീസ്മാൻ (42), ഫിലിപ് കുടീന്യോ (57), ലയണൽ മെസ്സി (73) എന്നിവരാണ് ബാഴ്സക്കായി ലക്ഷ്യംകണ്ടത്. ലാലിഗയിൽ 14 പോയൻറുമായി ഏഴാം സ്ഥാനത്താണ് ബാഴ്സ. റയൽ സൊസിഡാഡ്, അത്ലറ്റികോ മഡ്രിഡ് (23) ടീമുകളാണ് ഒന്നും രണ്ടും സ്ഥാനങ്ങളിൽ. 17 പോയൻറുള്ള റയൽ നാലാമതാണ്.
#360malayalam #360malayalamlive #latestnews