നന്നംമുക്കിൽ മൂന്ന് വാര്ഡുകളിലും ഒരു ബ്ലോക്ക് സീറ്റിലും സിപിഐ ഒറ്റക്ക് മത്സരിക്കും
ചങ്ങരംകുളം: നന്നംമുക്ക് പഞ്ചായത്തില് മൂന്ന് വാര്ഡുകളിലും ഒരു ബ്ലോക്ക് സീറ്റിലും സിപിഐ ഒറ്റക്ക് മത്സരിക്കും. സിപിഐക്ക് ശക്തമായ അടിത്തറ ഉണ്ടായിട്ടും തങ്ങള്ക്ക് അര്ഹതപ്പെട്ട സീറ്റ് നല്കാതെ മാറ്റി നിര്ത്തുന്നതില് പ്രതിഷേധിച്ചാണ് സിപിഐ നന്നംമുക്ക് ലോക്കല് കമ്മിറ്റിയുടെ തീരുമാനം.കഴിഞ്ഞ തവണ രണ്ട് വാര്ഡുകള് സിപിഐക്ക് നല്കിയിരുന്നു.ഇത്തവണ മൂന്ന് വാര്ഡ് എങ്കിലും തങ്ങള്ക്ക് അനുവദിക്കണമെന്നാണ് ആവശ്യപ്പെട്ടത്.എന്നാല് സിപിഐക്ക് നിലവിലുള്ള സീറ്റുകള് പോലും നല്കാതെ മാറ്റി നിര്ത്തിയുള്ള തീരുമാനങ്ങളില് അണികളില് കടുത്ത പ്രതിഷേധമുണ്ട്. കഴിഞ്ഞ തവണ 12, 13 വാർഡുകളിലാണ് സി.പി.ഐ മൽസരിച്ചത്. ഇത്തവണ ഒരു സീറ്റ് പോലും നൽകാൻ സി.പി.എം നേതൃത്വം തയ്യാറായില്ല. ഇതിൽ പ്രതിഷേധിച്ചാണ് 3,7,14 വാർഡുകളിലും , പെരുമ്പടപ്പ് ബ്ലോക്കിലെ മൂക്കുതല ഡിവിഷനിലും സി.പി.ഐ ഒറ്റക്ക് മൽസരിക്കുന്നത്.സി.പി.ഐ മത്സരിച്ച വാർഡുകളിൽ ഏക പക്ഷീയമായി സി.പി.എം സ്ഥാനാർത്ഥികളെ പ്രഖ്യാപിച്ചതാണ് നന്നംമുക്കിലെ സി.പി.എം-സി.പി.ഐ ബന്ധം തകർന്നടിഞ്ഞത്.
#360malayalam #360malayalamlive #latestnews