തിരഞ്ഞെടുപ്പ് ഒരുക്കം; ജാഗ്രതയോടെ
മലപ്പുറം: കൊവിഡ് പ്രതിസന്ധികൾക്കിടയിലും തദ്ദേശ തിരഞ്ഞെടുപ്പിനായി ആശങ്കകൾക്കിടയില്ലാത്ത പ്രതിരോധ നടപടികളുമായി ഇലക്ഷൻ കമ്മീഷൻ. നാമനിർദ്ദേശ പത്രിക സമർപ്പണം മുതൽ ഫലം പ്രഖ്യാപനം വരെ നീളുന്ന ഓരോ ഘട്ടങ്ങളിലും മികച്ച കൊവിഡ് പ്രതിരോധ മാർഗങ്ങളാണ് കമ്മീഷൻ നടപ്പിലാക്കുന്നത്. ഇതിന്റെ ഭാഗമായി സ്ഥാനാർഥികളിൽ നിന്നും നാമനിർദേശ പത്രിക സ്വീകരിക്കുന്ന വരണാധികാരിമാർ, ഉപവരണാധികാരിമാർ എന്നിവർക്കുള്ള ഫെയ്സ് ഷീൽഡ്, മാസ്ക്, സാനിറ്റൈസർ, ഗ്ലൗസ് എന്നിവയുടെ വിതരണം കളക്ടറേറ്റിൽ പൂർത്തിയാക്കി.
കളക്ടറേറ്റിലെ സംസ്ഥാന തിരഞ്ഞെടുപ്പ് കമ്മീഷന്റെ ഇലക്ട്രോണിക് വോട്ടിംഗ് മെഷീൻ വെയർ ഹൗസ് കെട്ടിടത്തിൽ നിന്നും ബ്ലോക്ക് പഞ്ചായത്ത് സെക്രട്ടറിമാർ നഗരസഭാ സെക്രട്ടറിമാർ എന്നിവർ ഏറ്റുവാങ്ങി. സ്ഥാനാർഥികളിൽ നിന്നും നാമനിർദേശ പത്രിക സ്വീകരിക്കുന്ന വരണാധികാരിമാർ, ഉപവരണാധികാരിമാർ എന്നിവർക്കായി 7,600 സാനിറ്റൈസർ ബോട്ടിലുകൾ, 30,900 എൻ 95 മാസ്കുകൾ, 4,200 ഗ്ലൗസുകൾ, 1,300 ഫെയ്സ് ഷീൽഡുകൾ എന്നിവയാണ് വിതരണം ചെയ്തത്. ഫെയ്സ് ഷീൽഡുകളിൽ 300 എണ്ണത്തോളം പുനരുപയോഗിക്കാവുന്നവയാണ്. തിരഞ്ഞെടുപ്പുമായി ബന്ധപ്പെട്ട പതിവ് തിരക്കുകൾക്കിയടിയിൽ കൊവിഡ് പ്രതിരോധ പ്രവർത്തനങ്ങളും ഏകോപിപ്പിക്കേണ്ടി വരുന്നതാണ് ഇത്തവണത്തെ തദ്ദേശ തിരഞ്ഞെടുപ്പ് പ്രക്രിയയിൽ കമ്മീഷന് മുന്നിലുള്ള പ്രധാന വെല്ലുവിളി.
#360malayalam #360malayalamlive #latestnews