അക്ഷര മുത്തശ്ശിയോട് കരുതൽ കാണിച്ചു പൂർവ്വ വിദ്യാർഥികൾ

അക്ഷര മുത്തശ്ശിയോട് കരുതൽ കാണിച്ചു പൂർവ്വ വിദ്യാർഥികൾ ..

"സ്കൂളിന് ഒരു തുണ്ട് ഭൂമി ചലഞ്ച് " ഏറ്റെടുത് 1988 SSLC ബാച്ച് 

സ്ഥലമില്ലാതെ പ്രയാസപ്പെടുന്ന മാറഞ്ചേരി ഗവണ്മെന്റ് ഹയർ സെക്കണ്ടറി സ്കൂളിന്റെ സ്ഥലം വാങ്ങൽ പദ്ധതിയിലേക്ക് ഒരു തുണ്ട്  ഭൂമി തങ്ങളുടെ കരുതലായി നൽകി മാതൃക യാവുകയാണ് 1988 SSLC ബാച്ച്‌ .

സ്ഥലവും കെട്ടിടവുമില്ലാത്തതിനാൽ പുതിയ ബാച്ചും ക്ലാസ്സുകളും തുടങ്ങാൻ കഴിയാതെ പ്രയാസപ്പെടുന്ന സ്കൂളിന് അതിൽ നിന്നും മോചനം നല്കാൻ PTA യുടെ നേതൃത്വത്തിൽ നാട്ടുകാരുടെ  കൂട്ടായ്മയിൽ സ്കൂൾ വികസന സമിതി രൂപീകരിചു സ്ഥലം വാങ്ങൽ പദ്ധതിയുമായി മുന്നോട്ടു പോകുകയാണ് . 

ഇതിന്റെ ഉദ്ദേശ ലക്ഷ്യങ്ങൾ പൂർവ്വ വിദ്യാർത്ഥികളിലും നാട്ടുകാരിലും എത്തിക്കുന്നതിനായി സ്കൂൾ ചരിത്രത്തിൽ ആദ്യമായി വിപുലമായ അലുംനി കൂട്ടായ്മ " ഓർമ്മപ്പെയ്ത്ത്" എന്നപേരിൽ കഴിഞ്ഞ മാസം സംഘടിപ്പിച്ചു . 

അതോടൊപ്പം ഓരോ വർഷത്തെയും ബാച്ചുകൾ പ്രത്യേകം സംഘടിച്ചു വരുന്നു .

തങ്ങളുടെ ബാച്ചിന്റെ ഓർമ്മക്കായി 1988 SSLC ബാച്ചുകാർ ഒരു സെന്റ് ഭൂമിയുടെവില നൽകുന്നതിന് തീരുമാനിക്കുകയും അതിന്റെ ആദ്യ ഗഡു ഒരു ലക്ഷം രൂപ സ്കൂൾ വികസന സമിതി ചെയർമാൻ വി ഇസ്മായിൽ മാസ്റ്ററെ ബാച്ച്പ്രതിനിധികൾ ഏൽപ്പിക്കുകയും ചെയ്തു . 

മാതൃകാപരമായ ഈ പ്രവർത്തിക്ക് 88. ബാച്ചിലെ  VK ഫൈസൽ , റസാഖ് നാലകത് , ടി ജമാലുധീൻ , ഷാജഹാൻ എ പനമ്പാട് , പ്രകാശൻ റുക്‌സാന , ഷകീല ബാനു ,കൃഷ്ണകുമാർ , അഷറഫ് , റഹിം MA , ഷുക്കൂർ സി , സുശീല , അടക്കമുള്ളവർ നേതൃത്വം നൽകി .

ചടങ്ങിൽ ടി ജമാലുധീൻ സ്വാഗതം പറഞ്ഞു , VK ഫൈസൽ അധ്യക്ഷത വഹിച്ച ചടങ്ങിൽ സ്കൂൾ വികസന സമിതി ചെയർമാൻ വി ഇസ്മായിൽ മാസ്റ്റർ അംഗങ്ങളായ യൂസഫ് മാസ്റ്റർ , PTA പ്രസിഡന്റ് റഹ്‌മാൻ പോക്കർ , കൃഷ്ണകുമാർ മാസ്റ്റർ ,എ അബ്ദുല്ലത്തീഫ് , വികസനസമിതി കോ ഓർഡിനേറ്റർ ഇബ്രാഹിം മാസ്റ്റർ PTA വൈസ് പ്രസിഡന്റ് KP ശിവദാസ് , പ്രസാദ് ചക്കാലക്കൽ ഖാലിദ് മംഗലത്തേൽ , PV പ്രേമൻ ,,ബാബു അബ്ദുൽ വഹാബ് ,

88 ബാച്ചിന്റെ പ്രതിനിധി ഷുക്കൂർ സി എന്നിവർ സംസാരിച്ചു .

88 ബാച്ചിൽ നാട്ടിൽ ഇപ്പോഴുള്ളവരും സ്കൂൾ വികസന സമിതി അംഗങ്ങളും PTA അംഗങ്ങളും ചടങ്ങിൽ സംബന്ധിച്ചു 

പ്രസ്തുത ബാച്ചിന്റെ ഒത്തുകൂടൽ 2023 ജനുവരി 15 നു വിപുലമായി നടത്തുമെന്നും ഭാരവാഹികൾ അറിയിച്ചു .