ടിപിആർ നിരക്കിൽ ജില്ലയിൽ ഒന്നാം സ്ഥാനത്തെത്തി മാറഞ്ചേരി പഞ്ചായത്ത്; വീണ്ടും ട്രിപ്പിൾ ലോക്ക് ഡൗൺ വന്നേക്കും

രോഗലക്ഷണങ്ങൾ ഇല്ലാത്തവരും, രോഗികളുമായി സമ്പർക്കത്തിലേർപ്പെട്ടില്ലാത്ത ആളുകളും ഉൾപ്പെടെയുള്ളവരെ ഇത്തരത്തിൽ വ്യാപകമായി പരിശോധന നടക്കുമ്പോൾ പരിശോധിക്കുന്ന എണ്ണത്തിനുസരിച്ച് രോഗ നിരക്ക് ഉയരുന്നില്ലെങ്കിൽ ടി പി ആർ  കണക്ക് വീണ്ടും താഴേക്ക് വരും . അങ്ങനെ വരുന്ന സാഹചര്യത്തിൽ മാത്രമേ മാറഞ്ചേരി പഞ്ചായത്തിൻ്റെ പ്രദേശങ്ങൾക്കും പൊതുജനങ്ങൾക്കും കടുത്ത നിയന്ത്രണങ്ങളിൽ നിന്നും മോചനം ഉണ്ടാവുകയുള്ളു. ഏകദേശം ഒരു വർഷത്തോളമായി തന്നെ മാറഞ്ചേരിയിൽ കടുത്ത നിയന്ത്രണങ്ങൾ തുടരുകയാണ്. കോവിഡിൻ്റെ ആദ്യകാലഘട്ടത്തിൽ തന്നെ കടുത്ത നിയന്ത്രണങ്ങൾക്ക് വിധേയമായ ഒരു പഞ്ചായത്ത് കൂടിയാണ് മാറഞ്ചേരി. അതു കൊണ്ട് തന്നെ ട്രിപ്പിൾ ലോക് ഡൗണിൻ്റെയും ,കണ്ടയൻമെൻ്റ് സോണിൻ്റെയും ,റെഡ് സ്പോട്ടിൻ്റെയും, ഹോട്ട്സ്പോട്ടിൻ്റെയും ഒക്കെ കടുത്ത നിയന്ത്രണങ്ങൾ ഏറ്റുവാങ്ങിയ ഈ പഞ്ചായത്ത് ഇപ്പോൾ വലിയ ബുദ്ധിമുട്ടിലേക്കാണ് നീങ്ങി കൊണ്ടിരിക്കുന്നത്. സംസ്ഥാനത്ത് ട്രിപ്പിൾ ലോക് ഡൗൺ, ലോക് ഡൗൺ നിയന്ത്രണങ്ങൾ  വലിച്ചപ്പോഴും മാറഞ്ചേരിയിൽ നിന്ന് കണ്ടയ്ൻമെൻറ് സോൺ നിയന്ത്രണങ്ങൾ പിൻവലിച്ചിരുന്നില്ല. പകരം മാറഞ്ചേരിയിയെ സി കാറ്റഗറിയിൽ ഉൾപ്പെടുന്ന നിയന്ത്രിത മേഖലയിലേക്കാണ് ജില്ലാ കളക്ടർ ഉത്തരവ് പ്രകാരം മാറ്റിയത്. ഇതിൻ്റെ ഭാഗമായുള്ള കടുത്ത നിയന്ത്രണങ്ങൾ തുടരുന്നതിനിടെയാണ് പുതിയ ടി പി ആർ നിരക്ക് പുറത്ത് വന്നിട്ടുള്ളത്. നിരക്ക് ഉയരുന്ന സാഹചര്യത്തിൽ മാറഞ്ചേരി വീണ്ടും കടുത്ത നിയന്ത്രണങ്ങളിലേക്ക് പോകും എന്ന ആശങ്കയിലാണ് ആരോഗ്യ വകുപ്പും ,പഞ്ചായത്തും ,പൊതുജനങ്ങളുമുള്ളത്. ഇതിനെ മറികടക്കാനാണ് വീണ്ടും മാസ് ക്യാമ്പയിനുമായി വീണ്ടും പഞ്ചായത്ത് രംഗത്ത് എത്തുന്നത്. ഓരോ വാർഡിൽ നിന്നും പരാമാവധി ആളുകളെ പരിശോധനയ്ക്ക് വിധേയമാക്കാനാണ് തീരുമാനം.ഇതുമായി പൊതുജനങ്ങൾ സഹകരിച്ചാൽ മാത്രമേ ടിപി ആർ നിരക്ക് താഴ്ത്താൻ കഴിയുകയുള്ളൂ. 400 പേരെ പരിശോധിക്കുന്ന സമയത്ത് 200 ൽ താഴേ ആളുകളിലേക്ക് കോവിഡ് പോസിറ്റീവ് സാധ്യത എത്തണം .എന്നാൽ സമാനമായ രീതിയിൽ കഴിഞ്ഞ മാസം നടത്തിയ രണ്ട് ക്യാമ്പുകളിലും 200 ൽ അധികം പേരെ പരിശോധിച്ച സമയത്ത് രണ്ടും മൂന്നും ആളുകൾ പോസിറ്റീവ് ആകുന്ന സാഹചര്യം ഉണ്ടായിരുന്നു അന്നു തന്നെ പഞ്ചായത്തിൻ്റെ വിവിധ വാർഡുകളിൽ കോവിഡ് വ്യാപനം നടത്തിട്ടില്ലെന്ന് വ്യക്തമായിരുന്നു.  പരിശോധനയ്ക്ക് എത്തുന്ന ആളുകളുടെ എണ്ണം കുറഞ്ഞതിനാൽ ടി പി ആർ നിരക്ക് ഉയരുകയുമായിരുന്നു.ഇതിൻ്റെ അടിസ്ഥാനത്തിലാണ് വീണ്ടും പൊതുജനങ്ങളെ കൂട്ടമായി പരിശോധനയ്ക്ക് വിധേയമാക്കാൻ ആരോഗ്യ വകുപ്പും പഞ്ചായത്തും തീരുമാനിച്ചിരിക്കുന്നത്.